مارس 2013 – Abed Kataya

#ام #ماما #mother #mom #maman

كل شي انكتب و رح ينكتب

ما بيكفي..

بس القلب بدو يقوم بواجبك نتفة ..

بعرفك مش ناطرة رد جميل

و مش عايزة كلامي و لا وصفي..

بيكفيني يرضى قلبك عليي

و غير رضاكي ما بيكفي..

من حياتك تسع شهور

و عمرك كلو عطيتيني..

مش ناطرة دهب و قصور

لا الوان و لا زينة..

حزينة ؟

و حياتك صدقيني

لمسة من ايدك بتشفي..

شاء الرب تخدميني

أنا و صغير..

و لما كبرت.. خدمتيني..

ياما هزيتيلي السرير

و ياما كنتي تحمليني..

كبرت و شاءت الصدفة..

انك ترجعي تتعذبي.. و تنضفي..

ما بيكفي؟؟

لو من عيوني عطيتك النور

و من قلبي كل شرايينو..

بقدملك ياهن باقة زهور

بكل روايحو و تلاوينو..

و من كبد كبدي اخدتي شقفة ..

ما بيكفي..

View original post 40 كلمة أخرى